சந்து கடையில் மது விற்ற 2 பெண்கள் கைது

சேலம் மாவட்டம் கெங்கவல்லி  சுற்றுவட்டார பகுதியில் டாஸ்மாக் மதுபானங்களை மொத்தமாக வாங்கி பதுக்கி வைத்து, கூடுதல் விலைக்கு விற்பனை செய்யப்படுவதாக ஆத்தூர் டிஎஸ்பி நாகராஜனுக்கு புகார்கள் வந்தது. அவரது உத்தரவின் பேரில், கெங்கவல்லி எஸ்ஐ நிர்மலா தலைமையில் போலீசார் தீவிரமாக சோதனையில் ஈடுபட்டனர்.

அப்போது 74.கிருஷ்ணாபுரம் பகுதியில் உள்ள சரசு(47), லதா(44) ஆகியோர் வீடுகளில் சோதனை நடத்தினர். இவர்கள் தங்களது வீட்டில் டாஸ்மாக் கடைகளில் மதுபானங்களை மொத்தமாக வாங்கி பதுக்கி 24 மணிநேரமும் கூடுதல் விலைக்கு விற்பனை செய்தது தெரியவந்தது.

இதையடுத்து இருவரையும் கைது செய்த போலீசார், விற்பனைக்கு வைத்திருந்த மதுபாட்டில்களை பறிமுதல் செய்தனர்.