4 கிலோ கஞ்சாவுடன் 2 வாலிபர்கள் கைது!

திருப்பூர் வெள்ளியங்காடு பகுதியில் 4 கிலோ கஞ்சாவுடன் இரண்டு வாலிபர்கள் கைது! திருப்பூர் வெள்ளியங்காடு பகுதியில் கஞ்சா விற்பனை நடப்பதாக தெற்கு போலீசாருக்கு ரகசிய தகவல் கிடைத்தது. நேற்று அந்தப் பகுதியில் போலீசார் திடீர் சோதனையில் ஈடுபட்டனர். அப்போது அங்கு சந்தேகத்துக்கு இடமாக நின்ற 2 வாலிபர்களை பிடித்து விசாரித்து சோதனை செய்தனர்.அவர்கள் வைத்திருந்த பையில் கஞ்சா பொட்டுலங்கள் இருந்தன. விசாரணையில் அவர்கள் செட்டிபாளையம் மகாலட்சுமி நகரை சேர்ந்த ஞானசேகரன் (வயது 28) வெள்ளியங்காடு திருவிக நகரை சேர்ந்த கார்த்திக் (31) என்பதும் அவர்களிடம் தலா 2 கிலோ கஞ்சா என மொத்தம் 4 கிலோ கஞ்சாவை போலீசார் பறிமுதல் செய்தனர். பின்னர் தெற்கு போலிசார் வழக்கு பதிவு செய்து ஞானசேகரன், கார்த்திக் ஆகியோரை கைது செய்தனர்.