வீட்டின் பூட்டை உடைத்து திருட முயன்ற 3 பேர் கைது !

எழுமலை அருகே உத்தப்புரத்தில் பட்டபகலில் வீட்டின் பூட்டை உடைத்து திருட முயன்ற 3 பேர் கைது. மதுரை மாவட்டம் உசிலம்பட்டி அருகே எழுமலை அருகேயுள்ளது உத்தப்புரம் கிராமம்.இக் கிராமத்தைச் சேர்ந்தவர் ரவி.இவர் இன்று காலையில் தனது வீட்டை பூட்டி விட்டு வெளியில் சென்றுள்ளார்.இந்நிலையில் இவர் வீட்டில் காலை 11 மணியளவில் வீட்டின் பூட்டை உடைத்து மூன்று இளைஞர்கள் திருடியுள்ளனர்.சத்தம் கேட்டு எதிர்வீட்டிலுருந்து வந்த பொன்னுத்தாய் (78) என்ற மூதாட்டி எதிர் வீட்டில் திருடுவதைக்கண்டு கூச்சலிட்டு அவர்களைத் தடுக்க முயன்றுள்ளார்.இதனால் தடுக்க முயன்ற மூதாட்டியை அடித்து விட்டு மூன்று பேர் பீரோவில் இருந்த பணத்தை திருடி சென்றனர். தகவலின் அடிப்படையில் எழுமலை போலீசார் விரைந்து வந்து விசாரணை செய்ததில் அப்பகுதியைச் சேர்ந்த குழந்தைவேலு(25) பிரதாப்(35) மகாராஜா(28) ஆகிய 3 பேர் மது அருந்த பணமில்லாததால் வீட்டை உடைத்து பணத்தை திருடியது மெரிய வந்தது.இது தொடர்பாக மூன்று நபர்களை கைது செய்து அவர்களிடம் இருந்த ரூ16 ஆயிரம் பணத்தை பறிமுதல் செய்து விசாரணை மேற்கொண்டு வருகின்றனர். மது அருந்த பணம் இல்லாததால் பட்டப்பகலில் வீட்டின் பூட்டை உடைத்து திருடிய சம்பவம் அப்பகுதியில் பெரும் பரபரப்பை ஏற்ப்படுத்தியுள்ளது.