3 மாநில தேர்தல் வெற்றி - திருக்கோவிலூரில் பாஜகவினர் கொண்டாட்டம்

பா.ஜ., வின் மூன்று மாநில தேர்தல் வெற்றியை கொண்டாடும் வகையில், விழுப்புரம் தெற்கு மாவட்ட பா.ஜ., சார்பில் திருக்கோவிலூரில் பட்டாசு வெடித்து,இனிப்பு வழங்கி நேற்று கொண்டாடினர். மத்திய பிரதேசம், ராஜஸ்தான், சத்தீஸ்கர் உள்ளிட்ட மாநிலங்களில் பா.ஜ., அமோக வெற்றி பெற்றதை தொடர்ந்து, விழுப்புரம் தெற்கு மாவட்ட பா.ஜ., சார்பில், திருக்கோவிலூர் பஸ் நிலையத்தில் வெற்றி விழா கொண்டாடப்பட்டது. மாவட்டத் தலைவர் கலிவரதன் தலைமை தாங்கினார். சுற்றுச்சூழல் பிரிவு மாவட்ட தலைவர் ராதாகிருஷ்ணன், தரவு மேலாண்மை பிரிவு மாநில செயலாளர் கார்த்திகேயன், நகர தலைவர் பத்ரிநாராயணன் முன்னிலையில், பஸ் நிலையம், ஐந்து முனை சந்திப்பு,ஏரிக்கரை மூலை உள்ளிட்ட இடங்களில் பட்டாசுகள் வெடித்து, பொதுமக்களுக்கு இனிப்புகள் வழங்கி, கோஷங்களை எழுப்பி கொண்டாடினர்.