பைக்கை திருடிய 3 இளைஞர்களுக்கு தர்ம அடி: மருத்துவமனையில் அனுமதி

திருப்பத்தூர் நகர் கௌதமபேட்டை பகுதியை சேர்ந்த ஆறுமுகம் என்பவருக்கு சொந்தமான இருசக்கர வாகனத்தை செட்டித்தெருவில் உள்ள ஒரு கடையின் முன்பு நிறுத்திவிட்டு உள்ளே சென்றுள்ளார். அப்போது ஆரிப் நகர் பகுதியைச் சேர்ந்த தபரேஸ்(23) இம்ரான் (19) யாசின்(19) ஆகிய மூன்று பேரும் வெளியே நிறுத்தி இருந்த இருசக்கர வாகனத்தை பூட்டை உடைத்து திருடி சென்றுள்ளனர்.

இந்த நிலையில் திருடு போனதை அறிந்த ஆறுமுகம் அருகே உள்ள சிசிடிவி காட்சிகளை ஆராய்ந்து உள்ளார் அதன் அடிப்படையில் ஆரிப் நகர் பகுதியைச் சேர்ந்த இளைஞர்கள் இந்த திருட்டு சம்பவத்தில் ஈடுபட்டது தெரிய வந்தது பின்னர் ஆரிப் நகருக்கு சென்ற கௌதம் பேட்டை வாலிபர்கள் இந்த மூவரையும் பிடித்து விசாரணை செய்தனர்

பின்னர் அவர்கள் திருடி சென்ற இரு சக்கர வாகனத்தையும் மீட்டனர் பின்னர் மூன்று இளைஞர்களுக்கும் தர்ம அடி கொடுத்து திருப்பத்தூர் நகர காவல் நிலையத்திற்கு அழைத்துச் சென்றனர். அப்போது போலீசார் அவர்களை நீங்கள் அடித்து உள்ளீர்கள் அதன் காரணமாக அவர்களுக்கு முறையான சிகிச்சை அளித்து பின்பு எங்களிடம் அழைத்து வாருங்கள் அதன் பின்பு அவர்கள் மீது நடவடிக்கை எடுக்கிறோம் என்று கூறியதன் காரணமாக அடித்து துவம்சம் செய்த மூன்று இளைஞர்களையும் திருப்பத்தூர்

அரசு மருத்துவமனைக்கு சிகிச்சைக்காக அனுப்பி வைத்தனர். இந்த சம்பவத்தை அப்பகுதியில் பரபரப்பு காணப்பட்டது.