37-ம்ஆண்டு திருவிளக்கு பூஜை - திரளான பெண்கள் பங்கேற்பு

 கரூர் பசுபதீஸ்வரர் கோவில் அருகே செயல்பட்டு வரும் ஸ்ரீ பசுபதீஸ்வரா ஐயப்பா சேவா சங்கம், பல்வேறு ஆன்மீக பணிகளை மேற்கொண்டு, பக்தி மூலம் பல்வேறு சமூக நற்காரியங்களை மனித சமுதாயத்திற்கு வழங்கி வருகிறது. இதில் ஒரு பகுதியாக, ஆண்டுதோறும் உலக நன்மை வேண்டி திருவிளக்கு பூஜை நடத்தி வருகின்றனர். அதனடிப்படையில் இன்று 37-ம் ஆண்டு திருவிளக்குப் பூஜை நடைபெற்றது. இந்நிகழ்வில் கரூர் நகர பகுதியை சேர்ந்த 300- க்கும் மேற்பட்ட பெண்கள் திருவிளக்கு பூஜையில் பங்கேற்று வழிபட்டனர். பூஜையின் போது முரளி சிவாச்சாரியார் தலைமையிலான சிவாச்சாரியார்கள் வேத மந்திரங்களை முழங்க பூஜையில் பங்கேற்ற பெண்கள் வேதமந்திரங்களை உச்சரித்து, உலக நன்மை வேண்டியும்,ஆரோக்கியம் மற்றும் குடும்ப நலன் வேண்டி வணங்கிய நிகழ்வு அணைவரையும் பரவசபடுத்தியது.