கலை மற்றும் அறிவியல் கல்லூரியில் 8 மற்றும் 9வது பட்டமளிப்பு விழா

திண்டுக்கல்லை அடுத்த ஆர்.எம்.டி.சி. காலனி அருகே உள்ள திரு இருதய கலை மற்றும் அறிவியல் கல்லூரியில் 8 மற்றும் 9வது பட்டமளிப்பு விழா நடைபெற்றது.இதற்கு பிரசிடெண்ட் மற்றும் சுப்பீரியர் ஜெனரல் திரு இருதய சகோதரர்கள் சபை வேளாங்கண்ணி ரவி தலைமை தாங்கினார். சுப்பீரியர் ஞானப்பிரகாசம்,வளாக ஆலோசகர், லூர்து ராஜ், விடுதி இயக்குனர் ஆரோக்கியசாமி, ஆகியோர் முன்னிலை வகித்தனர்.

முன்னதாக கல்லூரி முதல்வர் இன்னாசிமுத்து வரவேற்புரை வழங்கினார். இதில் சிறப்பு விருந்தினர்களாக, மக்கள் ஆய்வு மற்றும் நோஷ்ரம் இயக்குனர் ராஜநாயகம்,இந்திய மறைமாவட்ட பாதிரியார்கள் மாநாட்டின் தலைவர் ராய் லாசர்,உயர்கல்வி ஆணையத்தின் ஒருங்கிணைப்பாளர் கஸ்பார், ஆகியோர் கலந்து கொண்டனர்.