புகை பிடித்ததாக கூறி விமானத்தில் இருந்து இறக்கி விடப்பட்ட பயணி

திருச்சி விமான நிலையத்தில் இருந்து நேற்று சிங்கப்பூருக்கு விமானம் ஒன்று புறப்பட தயாராக இருந்தது. அப்போது, பயணி ஒருவர் கழிவறையில் புகைப்பிடித்ததாக கூறி விமான பணியாளர்கள் அந்த பயணியை விமானத்தில் இருந்து இறக்கிவிட்டனர். மேலும் அந்த பயணி மீது விமான நிலைய போலீசில் புகார் செய்தனர். இதனால் விமானம் தாமதமாக புறப்பட்டு சென்றது. பின்னர் நடத்திய விசாரணையில் அந்த பயணி புகை பிடித்ததற்கான ஆதாரங்கள் இல்லாத காரணத்தினால் அவரை வேறு ஒரு விமானத்தில் ஏற்றி சிங்கப்பூர் அனுப்பிவைத்தனர். இந்த சம்பவத்தால் விமானநிலையத்தில் பரபரப்பு ஏற்பட்டது.