புதுக்கடையில் இன்று 6 பேரை கடித்த வெறி நாய்

குமரி மாவட்டம் புதுக்கடை அருகே ஆழாங்குளம் என்ற இடத்தை சேர்ந்த தொழிலாளி வெற்றிவேல் (30 )என்பவர் இன்று காலையில்  வேலைக்கு செல்லும் முன்பு கைசூண்டியில் உள்ள டீக்கடையில் டீ கொடுத்து  குடித்துக் கொண்டு இருந்தார். அப்பொழுது திடீரென வந்த ஒரு நாய் அவருடைய காலை கடித்து குதறியது. உடனே  இவர் சப்தம் போட்டு உள்ளார். இவரது பக்கத்தில் நின்றவர்கள் அலறி அடித்து ஓடினர். சிலர் நாயை விரட்டியடித்தனர். ஆனால் அந்த  நாயோ அங்கிருந்து அருகில் உள்ள  அனந்தமங்கலம் பகுதிக்கு சென்றது. அங்கே நின்று கொண்டிருந்த சுபாஷ், விஜி என்பவர்களையும் கடித்துள்ளது. பின்னர் அதன் அடுத்த சந்திப்பு பகுதியான சக்தி நகரில் மீன் கடைக்கு சென்று கொண்டிருந்த  செல்லப்பன், வின்ஸ், காளி ஆகியோரையும் கடித்து உள்ளது. இந்த சம்பவம் அப்பகுதியில் பரவிய உடன் ,  பொதுமக்கள் அச்சத்தில் பயந்து அங்கும் இங்கும் ஓடினார். ஆனால் நாய்  தேங்காப்பட்டணத்தை நோக்கி  சென்றது. அதன் பின்னர் மேற்குறிப்பிட்ட பகுதிக்கு வந்த பொதுமக்கள் சாதாரண நாயை கண்டாலே அச்சத்தில் ஒடத் துவங்கிய நிலை ஏற்பட்டது.  எனவே சம்மந்தபட்ட ஊராட்சி நிர்வாகம் பொதுமக்களை அச்சுறுத்தி கொண்டிருக்கும்   நாயை பிடிக்க நடவடிக்கை எடுக்க  வேண்டும் என கோரிக்கை விடுத்துள்ளனர்.