வழிப்பறி வழக்கில் தலைமறைவாக இருந்தவர் கைது

சேலம் தாதகாப்பட்டி தாகூர் தெருவை சேர்ந்தவர் தர்மன் என்கிற தர்மராஜ் (வயது 30). இவர் மீது வழிப்பறி, திருட்டு வழக்குகள் நிலுவையில் உள்ளன. இந்த நிலையில் வழக்கு ஒன்றில் கோர்ட்டில் ஆஜராகாமல் தலைமறைவாக இருந்து வந்தார். இதையடுத்து அவரை கைது செய்ய கோர்ட்டு பிடிவாரண்டு பிறப்பித்தது. இந்நிலையில் தலைமறைவாக இருந்து வந்த தர்மனை அன்னதானப்பட்டி போலீசார் நேற்று முன்தினம் கைது செய்தனர்.