திறப்பு விழாவிற்காக காத்திருக்கும் பாலத்தில் விபத்து!

கோவை:உக்கடத்தில் இருந்து ஆத்துப்பாலம் வரையில் புதிய மேம்பால கட்டுமான பணிகள் நடைபெற்று நிறைவடையும் தருவாயில் உள்ளது.திறப்பு விழாவிற்காக காத்திருக்கும் இந்த மேம்பாலத்தில் நேற்று இட்டேரி பகுதியை சேர்ந்த ஒருவர் மூன்று சிறுவர்களுடன் ஒரே வாகனத்தில் பயணித்துள்ளனர்.ஆத்துப்பாலம் சந்திப்பு அருகே உள்ள பெட்ரோல் பங்க் முன்பாக நிலை தடுமாறி விபத்து ஏற்பட்டத்தில் ஒருவருக்கு பலத்த காயமும் சிறுவர்கள் மூவருக்கு லேசான காயமும் ஏற்பட்டது.

சிறுவர்கள் பாலத்தை சுற்றி பார்க்க வந்தபோது விபத்து ஏற்பட்ட நிலையில் தகவலறிந்து அருகில் இருந்தவர்கள் நால்வரையும் மீட்டு சிகிச்சைகாக மருத்துவமனை அனுப்பி வைத்தனர்.திறப்பு விழா காணும் வரை பாலத்தை சுற்றி பார்ப்பதற்கோ புகைப்படம் எடுப்பதற்கு அனுமதி அளிக்கக் கூடாது என அப்பகுதி மக்கள் கோரிக்கை வைத்தனர். நெடுஞ்சாலைத்துறை மற்றும் காவல் துறையினர் இதற்கு தக்க நடவடிக்கை எடுக்க வேண்டும் எனவும் கேட்டுக் கொண்டனர்.மேலும் பெற்றோர்கள் சிறார்களிடம் வாகனங்களை கொடுத்து சாலையில் ஓட்டுவதை தடுக்கு வேண்டும் என கேட்டுக் கொண்டனர்.