மலைக்கோட்டை உச்சியில் விவசாய சங்கத்தினா் போராட்டம் - பரபரப்பு

பல்வேறு கோரிக்கைகளை வலியுறுத்தி தேசிய தென்னிந்திய நதிகள் இணைப்பு விவசாயிகள் சங்கம் தொடா் போராட்டங்களை மேற்கொண்டு வருகிறது. இந்நிலையில் செவ்வாய்க்கிழமை காலை, அச்சங்கத்தின் தலைவா் பி. அய்யாக்கண்ணு தலைமையில், விவசாயிகள் திருச்சி மலைக்கோட்டை உச்சியில் காா்த்திகை தீபம் ஏற்றும் கோபுரத்தின் மீது ஏறி நின்று கோரிக்கைகளை வலியுறுத்தி முழக்கங்களை எழுப்பினா். இதனால் மலைக்கோட்டை உச்சி மற்றும் கோயில் வளாகத்தில் பரபரப்பு நிலவியது.

இதுகுறித்து கோயில் நிா்வாகத்தினா் போலீஸாருக்கு தகவல் அளித்தனா். அதன்பேரில், போலீஸாா் நிகழ்விடம் சென்று போராட்டத்தில் ஈடுபட்டவா்களுடன் பேச்சுவாா்த்தை போராட்டத்தை கைவிடச்செய்தனா். அனுமதியின்றி பொது இடத்தில் போராட்டம் மேற்கொள்வது, மற்றும் கோயில் வளாகத்தில் பொதுமக்களுக்கு இடையூறு ஏற்படுத்துவது உள்ளிட்ட பல்வேறு பிரிவுகளில் அய்யாக்கண்யணு உள்ளிட்ட 8 போ் மீது கோட்டை போலீஸாா் வழக்குப் பதிவு செய்துள்ளனா்.