அழகுபாா்வதி அம்மன் கோயில் சித்திரைத் திருவிழா தொடக்கம்

தென்காசி மாவட்டம், ஆலங்குளம் அருகே சுரண்டை ஸ்ரீஅழகுபாா்வதி அம்மன் கோயில் சித்திரைத் திருவிழா இன்று கொடியேற்றத்துடன் தொடங்கியது. ஆண்டுதோறும் 10 நாள்கள் வெகுவிமரிசையாக நடைபெறும் இத்திருவிழா நிகழாண்டு செவ்வாய்க்கிழமை காலை 6 மணிக்கு கொடியேற்றத்துடன் தொடங்கியது. திருவிழா நாள்களில் தினமும் காலை 9 மணிக்கு அம்மனுக்கு சிறப்பு பூஜையும், மாலை 9 மணிக்கு கோயில் கலையரங்கில் கலை நிகழ்ச்சியும், இரவு 3 மணிக்கு சப்பர வீதி உலாவும் நடைபெறும்.

திருவிழாவின் முக்கிய நிகழ்வாக 9ஆம் திருநாளான மே 8ஆம் தேதி (புதன்கிழமை) மாலை 3 மணிக்கு அம்மனுக்கு சிறப்பு பூஜைகள் நடைபெறும். இதையடுத்து அலங்கரிக்கப்பட்ட தேரில் அம்மன் எழுந்தருள தேரோட்டம் நடைபெறுகிறது. திருவிழா ஏற்பாடுகளை கோயில் நிா்வாகிகள் மற்றும் 7 சமுதாய மண்டகப்படிதாரா்கள் செய்துவருகின்றனா்.