பள்ளி மாணவிகளை ஏற்றி வந்த ஆம்னி வேன் மீது தனியார் பேருந்து மோதி விபத்து

ஈரோடு பிரப் சாலையில் உள்ள அரசு உதவி பெறும் பள்ளியிலிருந்து இன்று கொங்கம்பாளையத்திற்கு பத்துக்கு மேற்பட்ட மாணவிகள் ஆம்னி வேனில் சென்று கொண்டிருந்தனர். ஈரோடு சூளை பகுதியில் வந்து கொண்டிருந்த போது ஈரோட்டில் இருந்து பவானி செல்லும் தனியார் பேருந்து எதிர்பாராத விதமாக பள்ளி மாணவிகளை ஏற்றி வந்து கொண்டிருந்த ஆம்னி வேன் மீது பின்புறமாக மோதியது . இதில் ஆம்னி வேன் பின்பக்கம் , முன்பக்கம் சோதமடைந்த்து. இதில் வேனில் பயணம் செய்த பத்துக்கு மேற்பட்ட மாணவிகள் படுகாயம் அடைந்தனர். இதனையடுத்து அப்பகுதியில் இருந்தவர்கள் மாணவிகளக மீட்டு 108 ஆம்புலன்ஸ் மூலம் ஈரோடு அரசு மருத்துவமனைக்கு அனுப்பி வைத்தனர். மேலும் சம்பவ இடத்திற்கு காவல் துறையினர் இது தொடர்பாக வழக்கு பதிவு செய்து விசாரணை நடத்தி வருகின்றனர்.