சிவகாசி:விபத்தில் முதியவர் பலி. போலீஸ் விசாரணை...

விருதுநகர் மாவட்டம், சிவகாசி அருகே உள்ள சித்துராஜபுரத்தை சேர்ந்தவர் சுப்புராஜ் மகன் சீனிவாசன் ( 54). இவர் அதே பகுதியில் டீக்கடை நடத்தி வந்தார்.சம்பவத்தன்று தனது டூவீலரில் பி.திருவேங்கிடபுரத்தில் இருந்து சிவனாண்டிபட்டி கிராமத்தின் வழியாக சித்துராஜபுரம் வந்து கொண்டிருந்தார். அப்போது அந்த ரோட்டில் நிறுத்தி வைக்கப்பட்டிருந்த டிராக்டர் மீது சீனிவாசன் மோதியதாக கூறப்படுகிறது.இதில் பலத்த காயம் அடைந்த அவருக்கு ராஜபாளையத்தில் தனியார் மருத்துவமனையில் முதலுதவி அளித்து மேல் சிகிச்சைக்காக மதுரை அரசு மருத்துவமனைக்கு அனுப்பி வைக்கப்பட்டார். மருத்துவமனை செல்லும் வழியில் பரிதாபமாக உயிர் இழந்தார். இது குறித்து டிராக்டர் டிரைவர் வெள்ளையாபுரத்தை சேர்ந்த ரவி என்பவர் மீது மாரனேரி போலீசார் வழக்கு பதிவு செய்து விசாரணை நடத்தி வருகிறார்கள்.