திறந்து கிடக்கும் மின் பெட்டி

காஞ்சிபுரம் - உத்திரமேரூர் சாலை, ஓரிக்கை மஹா பெரியவா மணிமண்டபம் செல்லும் சாலையோரம் தெரு மின்விளக்கு பராமரிப்பதற்காக மின் பெட்டி அமைக்கப்பட்டுள்ளது. சிறுவர்களின் கைகளுக்கு எட்டும் உயரத்தில் உள்ள மின் பெட்டியில், 'பியூஸ் கேரியர்' உள்ளிட்ட மின் உபகரணங்கள் மற்றும் மின் இணைப்பு ஒயர்கள் வெளியே தெரியும்படி ஆபத்தான நிலையில் திறந்து கிடக்கிறது. இவ்வழியாக செல்லும் சிறுவர்கள் மின் பெட்டியில் உள்ள மின் உபகரணங்கள் மற்றும் மின் ஒயர்களை தொட்டாலோ, சாலையில் சுற்றித்திரியும் மாடுகள் மின் ஒயரில் உரசினாலோ மின் விபத்து ஏற்பட்டும் சூழல் உள்ளது. எனவே, திறந்து கிடக்கும் மின் பெட்டியை பாதுகாப்பாக மூடி சீரமைக்க மின்வாரிய அதிகாரிகள் நடவடிக்கை எடுக்க வேண்டும்.