ஊராட்சி ஒன்றிய நடுநிலைப்பள்ளியில் ஆண்டு விழா

சேலம் மாவட்டம் சங்ககிரி வட்டம் காவேரிப்பட்டி ஊராட்சி வட்ராம்பாளையம் அரசு ஊராட்சி ஒன்றிய நடுநிலைப்பள்ளியில் ஆண்டு விழா சங்ககிரி ஊராட்சி ஒன்றிய குழு துணைத் தலைவர் ஏ.பி. சிவக்குமாரன் தலைமையில் நடைபெற்றது. இவ்விழாவில் பல்வேறு போட்டிகளில் கலந்து கொண்டு வெற்றி பெற்ற மாணவ, மாணவிகளுக்கு சிறப்பு பரிசுகள் வழங்கப்பட்டது. அதைத்தொடர்ந்து நடைபெற்ற கலை நிகழ்ச்சியில் பள்ளி மாணவ,மாணவிகள் பல்வேறு பாடல்களுக்கு ஏற்றவாறு நடனமாடி அசத்தியது காண்போரை மெய்சிலிர்க்க வைத்தது. இவ்விழாவில் ஊராட்சி மன்ற தலைவி அல்லிராணி, பொன்னம்பாளையம் ஊராட்சி ஒன்றிய நடுநிலைப்பள்ளி தலைமை ஆசிரியர் பொன்.தனராஜ் உட்பட பள்ளி ஆசிரியர், ஆசிரியைகள் மாணவ, மாணவிகள் பெற்றோர்கள் என ஏராளமானோர் இதில் கலந்து கொண்டனர்.