போதைப்பொருள் ஒழிப்பு விழிப்புணர்வு நிகழ்ச்சி

தஞ்சாவூர் மாவட்டம், அம்மாப்பேட்டை காவல்துறை மற்றும் பூண்டி புஷ்பம் கல்லூரி உள்ளிட்டவை சார்பில் உலக போதைப்பொருள் ஒழிப்பு தினத்தை பொட்டி போதைப்பொருள் ஒழிப்பு விழிப்புணர்வு நிகழ்ச்சி கோவிலூர் கடைவீதி, பேருந்து நிறுத்தம் அருகே நடைபெற்றது. நிகழ்ச்சியை யொட்டி பூண்டி புஷ்பம் கல்லூரி மாணவ,மாணவிகள் பல்வேறு கலை நிகழ்ச்சிகள் மூலம் போதைப்பொருள் ஒழிப்பு விழிப்புணர்வு நிகழ்ச்சியை நடத்திக் காட்டினர்.

இதில் புகையிலை, மது மற்றும் உடல் நலத்தை கெடுக்கும் அனைத்து வகையான போதைப் பொருள்களுக்கும் எதிரான விழிப்புணர்வு நிகழ்ச்சி நடைபெற்றது.பொதுமக்களுக்கு போதைப் பொருள்களால் ஏற்படும் தீமைகள் குறித்த விழிப்புணர்வு துண்டு பிரசுரங்கள் வழங்கப்பட்டன. நிகழ்ச்சியில் அம்மாப்பேட்டை காவல் ஆய்வாளர் இளவரசு தலைமையில் போதைப்பொருள் ஒழிப்பு உறுதிமொழி ஏற்கப்பட்டது.நிகழ்ச்சியில் உதவி ஆய்வாளர்கள், காவல் துறையினர், கல்லூரி பேராசிரியர்கள்,மாணவ, மாணவிகள்,கல்லூரி தேசிய மாணவர் படை, தேசிய சாரணர்படை மற்றும் சமூக ஆர்வலர்கள்,தன்னார்வலர்கள் உள்ளிட்ட பலர் பங்கேற்றனர்.