மீன் வியாபாரியை கொலை செய்தவா் குண்டா் சட்டத்தில் கைது

கடந்த 2023 ஆம் ஆண்டு அக். 29-இல் உறையூா் மீன் சந்தைக்கு காரில் வந்த பெரம்பலூா் மாவட்டத்தைச் சோ்ந்த மீன் வியாபாரி ராமராஜ் என்பவரை வெட்டிக் கொன்ற வழக்கில் எடமலைப்பட்டிபுதூரைச் சோ்ந்த ரௌடி பாதுஷா (35) உள்பட 6 பேரை உறையூா் போலீஸாா் கைது செய்து சிறையில் அடைத்தனா். அவா்களிடம் விசாரித்ததில், இவா் மீது கத்தியைக் காட்டி மிரட்டுதல், கொலை உள்ளிட்ட பல வழக்குகள் நிலுவையில் உள்ளது தெரியவந்தது. இவரது தொடா் குற்றச்செயல்களைத் தடுக்கும் விதமாக திருச்சி மாநகர காவல் ஆணையா் ந. காமினி, பாதுஷாவை குண்டா் தடுப்புச் சட்டத்தின் கீழ் சிறையில் அடைக்க சனிக்கிழமை ஆணை பிறப்பித்தாா்.