கட்டிட கான்டிராக்டர் மீது தாக்குதல் - 4 பேர் மீது வழக்கு

குமரி மாவட்டம்  அழகிய பாண்டியபுரம் தேவசகாயபுரம் பகுதியை சேர்ந்தவர் கட்டிட கான்ட்ராக்டர் மோகன் (45) இவருக்கும் அதே பகுதியை சேர்ந்த லிபின் (18) என்பவருக்கும் ஏற்கனவே முன் விரோதம் இருந்துள்ளது.    இந்நிலையில் நேற்று தேவசகாயபுரம் பகுதியில் மோகன் நின்று கொண்டு இருக்கும் போது லிபன் (18) அவருடன் வேலை பார்க்கும் பால் வெட்டும் தொழிலாளிகளான விஜி (48), செரின் (32) மற்றும் லிபினுடைய சகோதரர் நிதின் (20) ஆகியோரும் சேர்ந்து மோகனை கம்பால் தாக்கியுள்ளார்.     இதில் காயமடைந்த மோகன் பூதப்பாண்டி அரசு மருத்துவமனையில் சிகிச்சைக்காக அனுமதிக்கப்பட்டுள்ளார். அவர் கொடுத்த புகாரின் பேரில் பூதப்பாண்டி போலீசார் லிபின், விஜி, செரின் , நிதின் ஆகிய நான்கு பேர் மீது வழக்கு பதிவு செய்து விசாரித்து வருகிறார்கள்.