விஷேச வீட்டுக்காரர் மீது தாக்குதல் - விருந்தினர் 4 பேர் கைது

புதுக்கோட்டை மாவட்டம் விராலிமலை காவல் நிலைய எல்லைக்கு உட்பட்ட முல்லையூர் பொதியகோண்பட்டி கிராமத்தைச் சேர்ந்த தங்கராசு 50. இவரது வீட்டில் நேற்று காதணி விழா நடைபெற்று உள்ளது. காதணி விழாவிற்கு வந்த தர்மராஜ் என்பவருக்கும் தங்கராசு என்பவருக்கும் வாய் தகராறு ஏற்பட்டுள்ளதாகவும் இதில் தங்கராசுவை தர்மராஜ், கார்த்திக், முருகேசன், அருண் ஆகிய நான்கு பேரும் சேர்ந்து தங்கராசுவை மரக்கட்டையால் தாக்கி காயப்படுத்தினர். தலையில் ரத்த காயம் ஏற்பட்ட தங்கராசுவை விராலிமலை அரசு மருத்துவமனையிலும் மேல் சிகிச்சைக்காக திருச்சி அரசு மருத்துவமனையிலும் அனுமதிக்கப்பட்டு அவருக்கு தீவிர சிகிச்சை அளிக்கப்பட்டு வருகிறது. தங்கராசுவின் மனைவி கொடுத்த புகாரின் அடிப்படையில் விராலிமலை போலீசார் வழக்கு பதிவு செய்து நான்கு பேரையும் கைது செய்து விசாரணை மேற்கொண்டு வருகின்றனர்.