போக்குவரத்து விதிமுறைகள் குறித்து விழிப்புணர்வு

கள்ளக்குறிச்சி நகர பகுதியில் வாகன ஓட்டிகள் விதிமுறைகளை மீறி செயல்படுவதால் போக்குவரத்து நெரிசல் ஏற்பட்டு வருகிறது. இதனையொட்டி கள்ளக்குறிச்சி போக்குவரத்து போலீசார் சார்பில் சாலை விதிமுறைகள் தொடர்பான துண்டு பிரசரங்களை வாகன ஓட்டிகளுக்கு வழங்கி விழிப்புணர்வு ஏற்படுத்தினர். அதில் இரு சக்கர வாகனங்களை கயிற்றுக்குள் நிறுத்த வேண்டும், சாலையோரம் இரு சக்கர வாகனங்களை அரை மணி நேரம் மட்டுமே நிறுத்த வேண்டும், அதற்கு மேல் நிறுத்தினால் வழக்கு பதிவு செய்து வாகனங்கள் பறிமுதல் செய்யப்படும், சாலையோரம் கடைகள், தள்ளுவண்டிகள் வைத்து வியாபாரம் செய்யக் கூடாது, ஆட்டோவில் 2 பேருக்கு மேல் ஏற்றிச் செல்ல கூடாது, மீறினால் ஆட்டோ பறிமுதல் செய்யப்படும் உள்ளிட்டவை அடங்கிய துண்டு பிரசுரம் வழங்கப்பட்டது.