தெள்ளாறு கல்லூரியில் பாரதி பிறந்த நாள் விழா

திருவண்ணாமலை மாவட்டம், வந்தவாசி அடுத்த தெள்ளார் இராஜா நந்திவர்மன் கலை அறிவியல் கல்லூரியும், செம்மொழித் தமிழாய்வு மத்திய நிறுவனமும் இணைந்து பாரத மொழிகளின் பாரதி திருவிழா என்ற தலைப்பில் கருத்தரங்கம் நடைபெற்றது. கல்லூரித் தலைவர் கலைமாமணி முனைவர் வி.முத்து குத்துவிளக்கேற்றி விழாவைத் தொடங்கி வைத்தார்.

கல்லூரி முதல்வர் முனைவர் இரா. ஏழுமலை வரவேற்புரை ஆற்றினார். கல்லூரிப் பொருளாளர் திரு. எஸ். பழனிச்சாமி முன்னிலை வகித்தார். சிறப்பு அழைப்பாளராக, செம்மொழித் தமிழாய்வு நிறுவனத்தின் ஆய்வறிஞர் முனைவர் அரிமளம் சு. பத்மநாபன் பங்கேற்று பாரதியின் மொழியியல்களை இசையுடன் பாடி சிறப்புரை ஆற்றினார். மேலும் பாரதி குறித்து நடத்தப்பட்ட பேச்சுப் போட்டியில் முதல் மூன்று பரிசுகளைப் பெற்ற மகாலட்சுமி, யோகேஸ்வரி, வனிஷா ஆகிய மாணவியருக்கு முறையே 5000, 3000, 2000 ரொக்கத் தொகையும், சான்றிதழும் வழங்கப்பட்டது. நிறைவில் கல்லூரித் துணை முதல்வர் முனைவர் கா. காந்தி நன்றி கூறினார்.