மாயனூரில் வடிகால் வாய்க்காலில் சிறு பாலம் கட்டும் பணிக்கு பூமி பூஜை

பொதுப்பணி துறை வடிகால் வாய்க்காலில் சிறு பாலம் கட்டும் பணிக்கு பூமி பூஜை. எம்எல்ஏ தலைமையில் நடைபெற்றது. கரூர் மாவட்டம் கிருஷ்ணராயபுரம் தாலுகாவிற்கு உட்பட்ட மாயனூர், மாரியம்மன் கோவில் தெருவில், ரூபாய் 10 லட்சம் மதிப்பீட்டில், பொதுப்பணித்துறை வடிகால் வாய்க்காலில் சிறு பாலம் கட்டுவதற்கான பூமி பூஜை விழா கிருஷ்ணராயபுரம் எம்எல்ஏ சிவகாமசுந்தரி தலைமையில் நடைபெற்றது. இந்த நிகழ்ச்சியில் மாயனூர் ஊராட்சி உள்ளாட்சி பிரதிநிதிகள், ஊர் முக்கியஸ்தர்கள், திமுக கட்சி நிர்வாகிகள், பொதுமக்கள் என ஏராளமானோர் கலந்து கொண்டு, பூமி பூஜை விழாவை சிறப்பித்தனர். பூமி பூஜை முடிந்த பிறகு, அதற்கான பணிகளை துவக்கி வைத்தார் எம்எல்ஏ சிவகாமசுந்தரி.