திருமலைநாதன் பட்டி- சமுதாய கூடம் அமைக்கும் பணிக்கு பூமி பூஜை

கரூர் மாவட்டம் கிருஷ்ணராயபுரம் சட்டமன்ற தொகுதி தாந்தோணி ஊராட்சி ஒன்றியத்திற்கு உட்பட்ட வெள்ளியணை ஊராட்சியில் உள்ள திருமலை நாதன் பட்டியில் புதிய சமுதாயக்கூடம் கட்டும் பணிக்கான பூமி பூஜை கிருஷ்ணராயபுரம் எம்எல்ஏ சிவகாமசுந்தரி தலைமையில் இன்று நடைபெற்றது.

ரூபாய் 15 லட்சம் மதிப்பீட்டில் கட்டப்படும் இந்த பணிக்கான பூமி பூஜை நடந்த பிறகு அதற்கான பணிகளை துவக்கி வைத்தார் எம்எல்ஏ சிவகாமசுந்தரி. இந்த நிகழ்ச்சியில் தாந்தோணி கிழக்கு ஒன்றிய செயலாளர் ரகுநாதன்,தாந்தோணி ஊராட்சி ஒன்றிய பெருந்தலைவர் சிவகாமி வேலுச்சாமி, வெள்ளியணை ஊராட்சி தலைவர் சுப்பிரமணி உள்ளிட்ட உள்ளாட்சி பிரதிநிதிகள், ஊர் பொதுமக்கள், கட்சி நிர்வாகிகள் என ஏராளமானோர் கலந்து கொண்டு பூமி பூஜை விழாவை சிறப்பித்தனர்.