சாலை வசதி குடிநீர் வசதி தேவைகளுக்காக பூமி பூஜை

மல்லசமுத்திரம் ஒன்றிய பொது நிதியிலிருந்து ராமாபுரம், கொளங் கொண்டை, மறப்பறை, குப்பிச்சிபாளையம், பகுதிகளில் சிமெண்ட் சாலை, கழிவு நீர் வடிகால், பேவர் பிளாக் சாலை அமைத்தல், ஆழ்துளை கிணறு அமைத்தல் போன்ற பணிகளுக்காக சுமார் 60 லட்சம் மதிப்பீட்டில் பூமி பூஜை போடப்பட்டது. மேலும் சப்பையாபுரம் பகுதியில் கடந்த 2020 -21 ம் ஆண்டு முன்னாள் சட்டமன்ற உறுப்பினர் திருமதி பொன். சரஸ்வதி அவர்களின் சட்டமன்ற உறுப்பினர் நிதியிலிருந்து 8 லட்சம் மதிப்பீட்டில் கட்டப்பட்ட சமுதாயக்கூட கட்டிட திறப்பு விழா நடைபெற்றது.

இந்நிகழ்ச்சியில் முன்னாள் சட்டமன்ற உறுப்பினர் பொன் சரஸ்வதி, மல்ல சமுத்திரம் ஒன்றிய குழு பெருந்தலைவர் அலமேலு விஜயன், துணைத் தலைவர் வனிதா ராஜன், மல்லசமுத்திரம் மேற்கு ஒன்றிய கழகச் செயலாளர் ராஜன், மல்லசமுத்திரம் பேரூர் கழகச் செயலாளர் சுந்தர்ராஜன், மற்றும் கழக நிர்வாகிகள், ஊர் பொதுமக்கள், ஆகியோர் கலந்து கொண்டனர்.