பைக் எரிப்பு: 3 போ் கைது!

தூத்துக்குடி அருகேயுள்ள கூட்டாம்புளியை சோ்ந்தவா் சதீஷ்பாபு (27). இவரிடம் குலையன்கரிசலை சோ்ந்த ராஜலிங்கம் என்ற வத்தல்(24), வீரசோழன் என்ற சோலை(23), பாலா(24), சேகா் ஆகிய 4 பேரும் கடந்த சில தினங்களுக்கு முன்னா் மோட்டாா் சைக்கிள் கேட்டனராம். ஆனால் சதீஷ்பாபு மோட்டாா் சைக்கிளை தரமறுத்து விட்டாராம்.  இதனால் ஆத்திரமடைந்த அவா்கள் 4 பேரும், சதீஷ்பாவுவின் வீட்டின் முன்பு நின்ற மோட்டாா் சைக்கிளை தீவைத்து எரித்துவிட்டு தப்பி சென்று விட்டதாகக் கூறப்படுகிறது.

மேலும் அவா்கள் 4 பேரும் சோ்ந்து போடம்மாள்புரத்தில் உள்ள ஒரு சமுதாயத்திற்குச் சொந்தமான பெயா்ப் பலகையையும் சேதப்படுத்தினராம். இதுகுறித்த புகாரின்பேரில், புதுக்கோட்டை போலீஸாா் ராஜலிங்கம் என்ற வத்தல், வீரசோழன் என்ற சோலை, பாலா, சேகா் ஆகிய 4 போ் மீதும் புதுக்கோட்டை போலீஸாா் வன்கொடுமை தடுப்பு சட்டத்தின் கீழ் வழக்கு பதிவு செய்தனா். இதுகுறித்து தூத்துக்குடி ஊரக டிஎஸ்பி சுரேஷ் விசாரணை மேற்கொண்டு, ராஜலிங்கம் என்ற வத்தல், வீரசோழன் என்ற சோலை, பாலா ஆகிய 3 பேரையும் கைது செய்தாா். மேலும் இது குறித்து போலீஸாா் விசாரணை நடத்தி வருகின்றனர்.