பைக் மின்கம்பத்தில் மோதி வாலிபர் உயிரிழப்பு

கன்னியாகுமரி மாவட்டம் திங்கள்சந்தை மார்க்கெட்டில் கோழி இறைச்சி கடை நடத்தி வருபவர் வினோத். இவரது கடையில் பாறையம்விளை பகுதியை சேர்ந்த அஜய்குமார் (24) உட்பட பலர் வேலை செய்து வருகின்றனர். நேற்று இரவு அஜய்குமார் அவரது நண்பர் சுபின் பாபு என்பவருடன் குளச்சல் நோக்கி பைக்கில் சென்று கொண்டிருந்தார்.செட்டியார் மடம் பகுதியில் சென்ற போது எதிர்பாராத விதமாக பைக் நிலைதடுமாறி சாலையோரம் நின்ற மின்கம்பம் மீது மோதியது.  இதில் பலத்த காயமடைந்த அஜய்குமார் சம்பவ இடத்திலேயே பரிதாபமாக உயிரிழந்தார்.       

இந்த விபத்தில் அவரது நண்பர் சுபின் பாபு படுகாயம் அடைந்தார். உடனே அவர் ஆசாரிபள்ளம் அரசு மருத்துவ கல்லூரி ஆஸ்பத்திரியில்  அனுமதிக்கப்பட்டார். அவருக்கு டாக்டர்கள் தீவிர சிகிச்சை அளித்து வருகின்றனர். இது தொடர்பாக இரணியல் போலீசார் வழக்கு பதிவு செய்து விசாரணை நடத்தி வருகின்றனர்.