லிப்ட் கொடுத்தவருக்கு அரிவாள் வெட்டு - ஒருவர் கைது 

கன்னியாகுமரி மாவட்டம் காட்டுப்புதூர் பகுதியை சேர்ந்தவர் இனிய சுதன் (30). நாகர்கோவிலில் உள்ள தனியார் நிதி நிறுவனத்தில் பணிபுரிந்து வருகிறார். இவர் கடந்த மூன்றாம் தேதி அதிகாலை வேலைக்கு செல்வதற்காக அவரது பைக்கில் புறப்பட்டார். அப்போது ஒருவர் லிப்ட் கேட்டு பைக்கின் பின்னால் அமர்ந்து பயணம் செய்துள்ளார். பைக் மணத்தட்டை பெட்ரோல் பங்க் அருகே சென்றபோது பின்னால் இருந்த நபர் இனிய சுதனை திடீரென அரிவாளால் வெட்டி கொலை மிரட்டல் விடுத்து சென்றுள்ளார்.  இது தொடர்பான புகாரின் பேரில் பூதப்பாண்டி போலீசார் வழக்கு பதிவு செய்து விசாரித்து வந்தனர். விசாரணையில் இனிய சுதனை அறிவாளால் வெட்டியவர் சுசீந்திரத்தை சீயோன்புரம் பகுதியை சேர்ந்த ஞான வினோத் (32)என்பது தெரிய வந்தது. அவரை போலீசார் கைது செய்து விசாரித்து வருகின்றனர்.