பொன்னேரியில் பைக் திருட்டு

பொன்னேரி அடுத்த திருவேங்கிடபுரம் தசரதன் நகரை சேர்ந்தவர் சரஸ்வதி, 72. இவர் நேற்று முன்தினம் வீட்டை பூட்டி அருகில் உள்ள மகன் வீட்டிற்கு சென்றிருந்தார். நள்ளிரவு, இவரது வீட்டில் இருந்து சத்தம் கேட்டதால், அருகில் வசிப்பவர்கள் வெளியில் வந்தனர். அப்போது மர்ம நபர் இருவர், சரஸ்வதியின் வீட்டுக் கதவை உடைத்துக்கொண்டிருப்பதை கண்டு கூச்சலிட்டனர். மர்ம நபர்கள் அங்கிருந்து தப்பியோடினர். சம்பவம் நடந்த பகுதியின் அருகில் உள்ள பொன்னியம்மன் நகரில் வசிக்கும், தனியார் நிறுவன டிரைவர் பழனி, 40, நேற்று முன்தினம் இரவு, வீட்டின் வாசலில் ஹீரோ பைக் நிறுத்தி வைத்திருந்தார். நேற்று அதிகாலை பார்த்தபோது, பைக் திருடு போயிருப்பது தெரிந்தது. இரு சம்பவங்களிலும் ஈடுபட்டது ஒரே நபர்களா என பொன்னேரி போலீசார் விசாரணை மேற்கொண்டு வருகின்றனர்.