தனது வாக்கை பதிவு செய்த பாஜக தலைவர் அண்ணாமலை
சின்னதாராபுரம் அருகே ஊத்துப்பட்டி வாக்குச்சாவடியில் பாஜக மாநில தலைவர் அண்ணாமலை தனது வாக்கை பதிவு செய்தார்.
Update: 2024-04-19 03:13 GMT
வாக்கு செலுத்திய அண்ணாமலை
பாரதிய ஜனதா கட்சியின் தமிழக தலைவராக செயல்பட்டு வருபவர் அண்ணாமலை. இவரது சொந்த ஊர் கரூர் மாவட்டம், சின்னதாராபுரம் அருகே உள்ள சூடாமணி . சூடாமணி ஊராட்சியில் உள்ள ஊத்துப்பட்டியில் இன்று தனது வாக்கை காலை 7:50- மணியளவில் பதிவு செய்தார். வாக்குப்பதிவு செய்தவுடன், செய்தியாளர்களுக்கு தனது இடது கை ஆள்காட்டி விரலை காட்டி, வாக்கு பதிவு செய்ததற்காக இடப்பட்ட மை அடையாளத்தை காட்டினார். அண்ணாமலை கோவை தொகுதியில் பாராளுமன்ற வேட்பாளராக போட்டியிடுவதால், தனது வாக்கை பதிவு செய்துவிட்டு, தனது தொகுதி நிலவரத்தை ஆய்வு செய்வதற்காக கோவை புறப்பட்டு செல்ல உள்ளார்.