பொள்ளாச்சியில் அடையாளம் தெரியாத பெண் சடலம்: போலீசார் விசாரணை

பொள்ளாச்சி அடுத்துள்ள சிங்காநல்லூர் பகுதியில் அடையாளம் தெரியாத பெண் சடலம் - சடலத்தை மீட்ட போலீசார் விசாரணை.. பொள்ளாச்சி அடுத்துள்ள சிங்காநல்லூர் பகுதியிலுள்ள நீர் ஓடை பள்ளத்தில் இறந்த நிலையில் ஒரு பெண் சடலம் கிடந்துள்ளது இதை கண்ட அப்பகுதி மக்கள் ஆனைமலை காவல் நிலைய போலீசாருக்கு தகவல் தெரிவித்தனர்.

தகவலை அடுத்து விரைந்து வந்த ஆனைமலை காவல் நிலைய போலீசார் பள்ளத்தில் கிடந்த பெண்ணின் சடலத்தை மீட்டு பார்த்தபோது இறந்து இரண்டு நாட்களுக்கு மேல் ஆகி உள்ளதாகவும் சுமார் 40 வயது மதிக்கத்தக்க பெண் எனவும் தற்கொலை செய்து கொண்டாரா?இல்லை யாராவது கொலை செய்து வீசி சென்றனரா என்ற கோணத்தில் விசாரணை மேற்கொண்டு,

மேலும் சிங்காநல்லூர் சுற்றுவட்டார பகுதிகளில் கடந்த இரண்டு நாட்களுக்கு மேலாக காணாமல் போன நபர்கள் குறித்து போலீசார் விசாரணை மேற்கொண்டு வருகின்றனர். மேலும் உடலை கைப்பற்றிய ஆனைமலை காவல் நிலைய போலீசார் பிரேத பரிசோதனைக்காக பொள்ளாச்சி அரசு மருத்துவமனைக்கு அனுப்பினர்..