மேட்டூரில் அதிமுக சார்பில் பூத் கமிட்டி

மேட்டூர் அதிமுக அலுவலகத்தில் ஆய்வு கூட்டம் இன்று நடைபெற்றது. சேலம் மாவட்டம்,மேட்டூர் சின்னப்பாக்கில் உள்ள அதிமுக அலுவலகத்தில் பூத் கமிட்டி ஆய்வு கூட்டம் அதிமுக மாநிலங்களவை உறுப்பினர் என்.சந்திரசேகரன் தலைமையில் இன்று நடைபெற்றது. கூட்டத்தில் கலந்து கொண்ட சேலம் புற நகர் மாவட்ட கழக செயலாளர் ஆர். இளங்கோவன் பூத் கமிட்டி பட்டியலை ஆய்வு செய்து நிர்வாகிகளுக்கு ஆலோசனை வழங்கினார்.

இந்த ஆய்வு கூட்டத்தில் ஓமலூர் அதிமுக சட்டமன்ற உறுப்பினர் மணி, சேலம் புறநகர் மாவட்ட கழக மகளிர் அணி செயலாளர் லலிதா சரவணன், மேச்சேரி ஒன்றிய செயலாளர்கள் செல்வம், சந்திரசேகரன், பேரூர் செயலாளர் குமார், கொளத்தூர் ஒன்றிய செயலாளர்கள் செல்வராஜ், பாலசுப்பிரமணியன் உள்ளிட்ட கழக நிர்வாகிகள், தொண்டர்கள் என ஏராளமானோர் கலந்து கொண்டனர்