பெண்ணை கத்தியால் குத்திய கட்டிட மேஸ்திரி கைது

சேலம் அருகே உள்ள கொண்டப்பநாய்க்கன்பட்டியில் தனியார் கட்டுமான நிறுவனத்தில் கட்டிட மேஸ்திரியாக பணியாற்றி வருபவர் பழனிசாமி (வயது 46). இவருக்கும், கடந்த டிசம்பர் மாதம் சித்தாள் வேலை செய்து வந்த ராஜேஸ்வரிக்கும் அவருக்கும் தகராறு ஏற்பட்டது. அப்போது அவர்கள் இருவரும் கத்தியால் மாறிமாறி குத்திக்கொண்டனர். இது குறித்து கன்னங்குறிச்சி போலீசார் 2 பேர் மீதும் வழக்கு பதிவு செய்து விசாரித்து வந்தனர். இந்த சம்பவம் தொடர்பாக நேற்று பழனிசாமியை போலீசார் கைது செய்து விசாரணை நடத்தி வருகின்றனர்.