கட்டிட மேஸ்திரியின் வீட்டை உடைத்து நகை திருட்டு

தர்மபுரி மாவட்டம், பாலக்கோடு சட்டமன்ற தொகுதிக்குட்பட்ட காரிமங்கலம் அருகே உள்ள கோடாளம்மன் கோயில் தெருவை சேர்ந்தவர் வெங்கடேசன் கட்டிட மேஸ்திரி. இவர் நேற்று அதேபகுதியில் ஒரு கட்டிட வேலைக்கு சென்றார். மதியம் உணவு சாப்பிட வீட்டுக்கு வந்தபோது, வீட்டின் பூட்டு உடைக்கப்பட்டு கதவு திறந்து கிடந்தது கண்டு அதிர்ச்சியடைந்தார்.

உள்ளே சென்று பார்த்த போது,பீரோ உடைக்கப்பட்டு, அதில் இருந்த 10 கிராம் தங்க செயின் திருடு போயிருந்தது. இதுகுறித்து வெங்கடேசன், காரிமங்கலம் காவல் நிலையத்தில் புகார் செய்தார். அதன்பேரில் காரிமங்கலம் காவல்துறையினர் வழக்குபதிவு செய்து விசாரணை நடத்தி வருகின்றனர்.