பெருமாநல்லூர் அருகே கார்கள் மோதல் - 4 பேர் காயம்

ஈரோடு கோவில்பாளையத்தைச் சேர்ந்தவர் மயில்சாமி (வயது 60).அவரது மனைவி செல்வராஜ்(50). இவர்கள் 2 பேரும் ஒரு காரில் கோவையிலிருந்து ஈரோடு நோக்கி வந்து கொண்டிருந்தனர். இவர்களது கார் நேற்று மாலை 3 மணியளவில் பெருமாநல்லூர் கருக்கன்காட்டுபுதூர் மேம்பாலம் அருகே வந்தது.அப்போது அவர்களது கார் கட்டுப்பாட்டை இழந்து சாலையின் பக்கவாட்டு சுவரில் மோதி விபத்துக்குள்ளானது.

அப்போது பின்னால் மற்றொரு கார் வந்தது. அந்த காரில் ராகேஷ் குமார் (31), வெங்கடரமணன் (27) ஆகியோர் இருந்தனர். இவர்கள் வந்த கார் மயில்சாமி ஓட்டி வந்த கார் மீது மோதியது. இந்த விபத்தில் மயில்சாமி, செல்வராஜ் மற்றும் ராகேஷ் குமார், வெங்கடரமணன் ஆகியோர் காயம் அடைந்தனர். இதுபற்றி தகவல் அறிந்துவந்த பெருமாநல்லூர் போலிசார் காயமடைந்தவர்களை மீட்டு சிகிச்சைக்காக மருத்துவமனைக்கு அனுப்பி வைத்தனர். மேலும் இந்த விபத்து குறித்து போலிசார் வழக்கு பதிவு செய்து விசாரணை நடத்தி வருகின்றனர்...