வயதான மூதாட்டியை காட்டு யானை தாக்கும் சிசிடிவி காட்சிகள் வைரல்!

கோவை மாவட்டம் மதுக்கரை வனசரகத்திற்கு உட்பட்ட கரடிமடை பகுதியில் உள்ள மாரியம்மன் கோவில் அருகே விஷ்ணு என்பவரின் தோட்டத்திற்க்கு  நேற்று அதிகாலை காட்டு யானை ஒன்று வந்துள்ளது. தோட்டத்து வீட்டின் வாசலில் தூங்கிகொண்டிருந்த பணியாளர் நாகம்மாள் என்ற 70 வயது மூதாட்டி சத்தம் கேட்டு எழுத்து பார்த்துள்ளார். அப்போது எதிர்பாராத விதமாக அருகில் வந்த ஒற்றை ஆண் காட்டு யானை மூதாட்டியை கீழே தள்ளியது. இதில் தலை மற்றும் உடல் பகுதியில் மூதாட்டிற்கு காயம் ஏற்பட்டுள்ளது. இதனை அடுத்து அங்கிருந்து நகர்ந்த யானை அருகில் இருந்த மற்றொரு தோட்ட வீட்டில் வைத்திருந்த  அரிசியை யானை எடுக்க முயன்றது. அப்போது அங்கு தூங்கி கொண்டிருந்த வேலையாட்களை சத்தம் போட்டப் போது   எதிர்பாராத விதமாக தள்ளியதில் தனலெட்சுமி  40  என்பவரும் காயம் அடைந்தார். ஒற்றைக் காட்டு யானை வீடுகளில் வைக்கப்பட்டுள்ள அரிசியை எடுக்க வந்த பொழுது அடுத்தடுத்து இந்த இரண்டு சம்பவங்களும் நடைபெற்று உள்ளது. காயமடைந்த இரு பெண்களும் அரசு மருத்துவமனையில் சிகிச்சைக்காக அனுமதிக்க பட்டுள்ளனர். இதனிடையே 70 வயதான மூதாட்டி நாகம்மாள் என்பவரை காட்டு யானை தாக்கும் சிசிடிவி காட்சிகள் வெளியாகி உள்ளது.