ராசிபுரத்தில் வைரலாகும் சிசிடிவி

நாமக்கல் மாவட்டம் ராசிபுரம் அடுத்த ஆண்டகலூர் கேட் பகுதியில் விஸ்வா பைக் பார்கிங் ஸ்டாண்ட் செயல்பட்டு வருகிறது. அடையாளம் தெரியாத நபர் ஒருவர் தனது இருசக்கர வாகனத்தை இந்த ஸ்டாண்டில் பார்க்கிங் செய்துவிட்டு கிஷோர் ராஜ் என பெயர் கொடுத்துள்ளார்.

அதே நாள் நள்ளிரவில் ஒரு நாள் வாடகையாக ரூபாய் 20 கொடுத்து அந்த நபர் தனது வாகனத்திற்கு அருகில் உள்ள மற்றொரு வாகனத்தில் மேல் வைத்திருக்கும் ஹெல்மெட் ஐ எடுத்து கொண்டு தன்னுடைய ஹெல்மெட் தான் என்பதை போல சாமர்த்தியமாக செல்லும் CCTV காட்சிகள் வெளியாகி உள்ளது.

ஹெல்மெட் காணாமல் போனதை கண்டு அதிர்ச்சிகுள்ளாகி அந்த வாகனத்தின் உரிமையாளர்(பெண்)பைக் ஸ்டேண்ட் உரிமையாளரிடம் கேட்டு வாக்கு வாதத்தில் ஈடுபட்ட நிலையில் அங்கிருந்த சிசிடிவி காட்சிகளை பார்த்த பொழுது நபர் ஒருவர் ஹெல்மெட்டை திருடிச் செல்லும் காட்சி பதிவாகியுள்ளது.

வேறு வழியின்றி பைக் ஸ்டேண்டு உரிமையாளர் தன் சொந்த செலவில் ஹெல்மட்டை தொலைத்த பெண்ணிற்கு புதிய ஹெல்மெட் வாங்கித் தருவதாக உறுதி அளித்துள்ளார்.