செங்கல்பட்டு : ஸ்ரீ முத்துமாரி அம்மன் ஆலய கும்பாபிஷேக விழா..!

செங்கல்பட்டு மாவட்டம் மதுராந்தகம் அடுத்த மாரிபுத்தூர் கிராமத்தில் எழுந்தருளிருக்கும் ஸ்ரீ முத்து மாரியம்மன் ஆலயம் கும்பாபிஷேக விழா வெகு விமர்சையாக நடைபெற்றது.இதனை முன்னிட்டு நேற்று காலை யாகசாலை அமைத்து கணபதி ஹோமம், லட்சுமி ஓமம், பூர்ணாஹீதி, தீபாதாரணை,விநாயகர் பூஜை புண்ணியா கவசம்,வாஸ்து சாந்தி, கும்ப அலங்காரம், யாக சாலை, பிரவேசம், யாக பூஜை, புதிய சிலைகள், கண் திறத்தல், அஸ்வந்தனம் சாத்துதல்,இரண்டாம் நாளாக இன்று காலை நாடிசந்தானம் கிரக பிரித்தியாத்ராதனம் யாகசாலில் இருந்து கடகம் புறப்பாடு செய்யப்பட்டு முத்து மாரி அம்மனுக்கு கும்பாஅபிஷேகம் தீப ஆராதனை நடைபெற்றது. இதில் நூற்றுக்கும் மேற்பட்ட பக்தர்கள் கலந்து கொண்டு அம்மன் அருளை பெற்றனர் கலந்து கொண்ட அனைவருக்கும் அன்னதானம் வழங்கப்பட்டது.