காளையாப்பட்டியில் பிரதமர் மோடி முகமூடி அணிந்து விழிப்புணர்வு ஏற்படுத்திய சிறுவர்கள்

கரூர் மாவட்டம் காளையாப்பட்டியில் பிரதமர் மோடி முகமூடி அணிந்து விழிப்புணர்வு ஏற்படுத்திய சிறுவர்கள். கரூர் நாடாளுமன்ற தொகுதியில், பாரதிய ஜனதா கட்சி சார்பில் வேட்பாளர் செந்தில்நாதன் போட்டியிடுகிறார். இன்று கரூர் மாவட்டம், கிருஷ்ணராயபுரம் சட்டமன்ற தொகுதிக்குட்பட்ட, காளையாப்பட்டி, விராலிப்பட்டி, வீரணம்பட்டி உள்ளிட்ட பகுதிகளில் பிரச்சாரத்தை மேற்கொண்டார். பிரச்சாரத்தின் போது கூட்டணி கட்சி நிர்வாகிகள் உடன் இருந்து வாக்கு சேகரிப்பில் ஈடுபட்டனர். அப்போது,பிரதமர் மோடி முகமூடி அணிந்த பத்துக்கும் மேற்பட்ட சிறுவர்கள், நிகழ்ச்சி நடக்கும் இடத்திற்கு வந்து பிரதமர் மோடி தலைமையிலான ஆட்சி மீண்டும் அமைய வேண்டும் என்பதற்காக அங்குள்ள கிராம மக்களிடையே விழிப்புணர்வை ஏற்படுத்தினர்.