அரசு உதவி பெறும் பள்ளியில் குழந்தைகள் தின விழா

மயிலாடுதுறையில் உள்ள அரசு உதவி பெறும், தேசிய தொடக்கப்பள்ளியில், குழந்தைகள் தின விழா இன்று கொண்டாடப்பட்டது. நவம்பர் 14-ஆம் தேதி மழையின் காரணமாக, மயிலாடுதுறை மாவட்டத்தில், பள்ளிகளுக்கு விடுமுறை அளிக்கப்பட்டதால், இன்று இவ்விழா கொண்டாடப்பட்டது. விழாவில் ஏராளமான குழந்தைகள் கலந்து கொண்டனர்.

இதில், 20-க்கும் மேற்பட்ட மாணவர்கள் நேருவின் வேடம் அணிந்து, 'ராம்ப் வாக்', செய்து அசத்தினர். தொடர்ந்து குழந்தைகள் நிகழ்த்திய, பரதம், வில்லுப்பாட்டு, கரகாட்டம், குழுப்பாட்டு, பேச்சு போட்டி ஆகிய நிகழ்ச்சிகள் நடைபெற்றன. நிகழ்ச்சியில் பங்கேற்ற குழந்தைகள் அனைவருக்கும் பரிசுகள் வழங்கப்பட்டது.