சங்ககிரி அருகே குழந்தைகள் தின விழா கொண்டாட்டம்

சேலம் மாவட்டம், சங்ககிரி ஊராட்சி ஒன்றியத்திற்குட்பட்ட தேவண்ணகவுண்டனூர் ஊராட்சி ஒன்றிய நடுநிலைப்பள்ளியில் குழந்தைகள் தினவிழா பள்ளி வளாகத்தில் பள்ளித்தலைமையாசிரிவசந்தாள் தலைமையில் நடைபெற்றது.இதில் பள்ளி பட்டதாரி ஆசிரியர் இரா.முருகன் குழந்தைகள் தினம் குறித்து சிறப்புரையாற்றினார்.

இதனைத்தொடர்ந்து ரோட்டரி கல்வி மாவட்ட புதிய தலைமுறை தலைவர் வெங்கடேஸ்வரகுப்தா பள்ளி நூலகத்திற்கு பல்வேறு தலைப்புகளில் பத்து புத்தகங்களை வழங்கி மாணவ, மாணவிகள் கல்வி கற்பதன் அவசியம் குறித்து பேசினார். இந்நிகழ்ச்சியில் சங்ககிரி இன்னர்வீல் கிளப் தலைவி ராஜம்மாள், வாசவி கிளப் தலைவி வசந்தி முரளிதரன், பொருளாளர் ரேவதி வெங்கடேஸ்வரகுப்தா, வாசவி கிளப் செயலாளர் செயலர் உமாமகேஸ்வரி ஆகியோர் பேச்சு, ஓவியம், பாட்டு, திருக்கு ஒப்புவித்தல் ஆகிய போட்டிகளில் வெற்றி பெற்ற மாணவ மாணவிகளுக்கு பரிசுகளை வழங்கினர். அப்போது ஆசிரியர்கள் சித்ரா, சீனிவாசன், ராமாமகேஸ்வரி, மாணவ மாணவிகள் உள்ளிட்ட பலரும் இதில் கலந்து கொண்டனர்.