விழுப்புரம் அருகே பிளஸ்-1 மாணவியிடம் பாலியல் சீண்டல்

விழுப்புரம் அருகே உள்ள கப்பூரை சேர்ந்தவர் ராகுல். விழுப்புரம் அறிஞர் அண்ணா அரசு கலைக் கல்லூரியில் பி.ஏ மூன்றாம் ஆண்டு படித்து வரும் இவரும் பிளஸ்-1 படித்து வரும் 17 வயது மாணவியும் காதலித்து வந்தனர். ஆனால் ராகுல் தனக்கு அண்ணன் உறவுமுறை என்பதால் அதை அறிந்த மாணவி அவருடனான காதலை கைவிட்டார்.

ஆனால் மாணவியை ராகுல் ஒருதலைபட்சமாக காதலித்து வந்தார். இதற்கிடையே நேற்று முன்தினம் கப்பூர் அரசு ஆரம்பப்பள்ளியின் பின்புறம் மாணவி தனியாக நடந்து சென்று கொண்டிருந்தார். அப் போது ராகுல் மாணவியின் ஆடையை பிடித்து இழுத்து பாலியல் சீண்டலில் ஈடுபட்டதாக கூறப்படுகிறது.

பின்னர் இதுகுறித்துமாணவி கொடுத்த புகாரின்பேரில் விழுப்புரம் அனைத்து மகளிர் போலீசார் வழக்குப்பதிவு செய்து ராகுலை போக்சோ சட்டத்தின் கீழ் கைது செய்தனர்.