கல்லூரி மாணவி தற்கொலை - காவல்துறையினர் விசாரணை

தர்மபுரி மாவட்டம், பாலக்கோடு சட்டமன்ற தொகுதிக்கு உட்பட்ட காரிமங்கலம் அடுத்த மல்லிகுட்டை பஞ்சாயத்து நீமாங்கரை கிராமத்தை சேர்ந்தவர் ரகு கூலித் தொழிலாளியான இவரது மகள் வித்யா தர்மபுரி அரசு கலைக்கல்லூரியில் முதலாம் ஆண்டு படித்து வந்தார். இந்நிலையில் நேற்று இரவு வீட்டில் யாரும் இல்லாத நேரத்தில், வித்யா தூக்கு போட்டு தற்கொலை செய்துகொண்டார். இதுகுறித்த தகவல் அறிந்து சம்பவ இடத்துக்கு வந்த காரிமங்கலம் காவல்துறையினர் வித்யாவின் உடலை மீட்டு பிரேத பரிசோதனைக்காக தர்மபுரி அரசு மருத்துவக் கல்லூரி மருத்துவமனைக்கு அனுப்பி வைத்தனர். இதுகுறித்து காரிமங்கலம் காவல்துறையினர் வழக்குபதிவு செய்து விசாரணை நடத்தி வருகின்றனர்.