திறனறித் தேர்வில் வெற்றி பெற்ற மாணவர்களுக்கு பாராட்டு

பட்டுக்கோட்டை கல்வி மாவட்ட அளவில், பட்டுக்கோட்டை டிஇஎல்சி அரசு உதவி பெறும் நடுநிலைப்பள்ளியில், தேசிய வருவாய் வழி திறனறித் தேர்வில் வெற்றி பெற்றுள்ள மாணவர்களுக்கும், அறிவியல் கண்காட்சியில் வெற்றி பெற்றுள்ள மாணவ, மாணவிகளுக்கும், வழிநடத்திய தலைமை ஆசிரியர் மற்றும் ஆசிரியர்களுக்கு பாராட்டு விழா நடைபெற்றது. 

நிகழ்ச்சியில், பட்டுக்கோட்டை வட்டாரக் கல்வி அலுவலர் எம்.கே. ராமமூர்த்தி வரவேற்றார். மாவட்ட தொடக்கக்கல்வி அலுவலர் கு.திராவிடச் செல்வம் தலைமை வகித்தார். பட்டுக்கோட்டை கல்வி மாவட்ட உதவி திட்ட அலுவலர் வெ.கருணாகரன் உரையாற்றினார். பேராவூரணி சட்டமன்ற உறுப்பினர் நா.அசோக்குமார், பட்டுக்கோட்டை சட்டமன்ற உறுப்பினர் கா.அண்ணாதுரை ஆகியோர் பரிசுகள் வழங்கி விழா பேருரை ஆற்றினர்.  பட்டுக்கோட்டை ஊராட்சி ஒன்றியப் பெருந்தலைவர்  தி.பழனிவேலு, பட்டுக்கோட்டை நகர் மன்றத் தலைவர் சண்முகப்பிரியா செந்தில்குமார் ஆகியோர் வாழ்த்திப் பேசினர். நிறைவாக ஒரத்தநாடு வட்டார  தொடக்க கல்வி அலுவலர் க.செல்வகுமாரி நன்றி கூறினார்.

இவ்விழாவில், 48 மாணவ, மாணவிகளுக்கும், வட்டாரக் கல்வி அலுவலர்கள் 13 பேர், ஆசிரியர்கள் 30 க்கும் மேற்பட்டோருக்கு நினைவுப்பரிசுகள் வழங்கப்பட்டது.  வட்டார வளமைய மேற்பார்வையாளர்கள், ஆசிரியர் பயிற்றுநர்கள், பள்ளி தலைமையாசிரியர்கள், ஆசிரியர்கள், மாணவ, மாணவிகள், பெற்றோர்கள் கலந்து கொண்டனர்.