பச்சமுத்து கலை மற்றும் அறிவியல் மகளிர் கல்லூரியில் பட்டமளிப்பு விழா

தருமபுரி பச்சமுத்து கலை மற்றும் அறிவியல் மகளிர் கல்லூரியில் இன்று ஞாயிற்று கிழமை பட்டமளிப்பு விழா நடைபெற்றது.

இவ்விழாவில் பச்சமுத்து கல்வி குழுமத்தின் தாளாளர் முனைவர்.ப.பாஸ்கர், துணைத் தாளாளர் முனைவர்.பா.சங்கீத்குமார், இயக்குநர்கள் திருமதி.சசிகலா பாஸ்கர், திருமதி. பிரியா சங்கீத்குமார் மற்றும் ஆலோசகர் பேராசிரியர் பொய்யாமொழி ஆகியோர் தலைமை ஏற்க பச்சமுத்து கலை அறிவியல் மற்றும் கல்வியியல் கல்லூரிகளின் முதல்வர்கள் முன்னிலை வகித்தனர்.

சிறப்பு விருந்தினர் Dr.S.ராஜாமணி இணை இயக்குனர், மருத்துவக் கல்வி மற்றும் ஆராய்ச்சி இயக்குநரகம் (நர்சிங்), சென்னை அவர்கள் சிறப்புரையாற்றி இளநிலை, முதுநிலை, ஆய்வியல் நிறைஞர் மற்றும் கல்வியியல் கல்லூரி 2500 மாணவிகளுக்கு பட்டங்களை வழங்கினார்.

இப்பட்டமளிப்பு விழாவில் பச்சமுத்து கல்லூரி மாணவிகள் அனைத்து துறை தலைவர்கள், பேராசிரியர்கள் மற்றும் பெற்றோர்கள் கலந்து கொண்டு சிறப்பித்தனர்.