மல்லசமுத்திரத்தில் ரூ.2லட்சத்திற்கு பருத்தி ஏலம்

மல்லசமுத்திரத்தில் நடந்த பருத்தி ஏலத்தில் ரூ.2 லட்சத்திற்கு ஏலம் நடந்தது. திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின் மல்லசமுத்திரம் கிளையில் நேற்று நடந்த பருத்தி ஏலத்தில்100 மூட்டைகள் வரத்து வந்தது. இதில், சுரபி ரகம் குவிண்டாலுக்கு ரூ. 6299 முதல் ரூ7275வரையிலும், பி.டி.,ரகம் ரூ5950முதல் ரூ.7125வரையிலும், கொட்டு பருத்தி ரூ.3599முதல் ரூ.4635வரையிலும் என மொத்தம் ரூ.2லட்சத்திற்கு ஏலம் நடந்தது. அடுத்த பருத்தி ஏலம் டிச.13ல் நடைபெறும் என மேலாளர் கணேசன் தெரிவித்தார்.