பள்ளி மாணவர்களுக்கு ஆலோசனை நிகழ்ச்சி !

கடலூர் மாவட்டம் பெண்ணாடம் அரசு ஆண்கள் மேல்நிலைப் பள்ளியில் பத்தாம் வகுப்பு பொதுத்தேர்வு எழுதும் மாணவர்களுக்கு தேர்வுகளை சிறப்புடன் எதிர்கொள்வதற்கு வேண்டிய ஆலோசனைகளை பெண்ணாடம் மனவளக்கலை மன்றத்தின் பேராசிரியர் மயில்வாகனன் வழங்கினார். தலைமை ஆசிரியர் இராமச்சந்திரன் தலைமையில் நடைபெற்ற இந்நிகழ்வில், பெண்ணாடம் லயன்ஸ் சங்கத் தலைவர கு. மேழிச்செல்வன், பெண்ணாடம் மனவளக்கலை மன்றத்தின் தலைவர் பொன்னுசாமி ஆகியோர் கலந்து கொண்டு நிகழ்வினை சிறப்பித்தனர். மாணவர்களுக்கு ஒவ்வொரு பாடத்திலும், பாட ஆசிரியர்களால், ஒரு வினா கேட்கப்பட்டு உடனடியாக சரியாக , விடை கூறிய மாணவர்களுக்கு பேனா பரிசு வழங்கப்பட்டது‌.