மதுரை அரசு மருத்துவக் கல்லூரி வளாகத்தில் வாக்கு எண்ணிக்கை

மதுரை நாடாளுமன்ற தொகுதியில் ஏப்ரல் 19ஆம் தேதி நடைபெற்ற வாக்கு பதிவின் பயன்படுத்தப்பட்ட மின்னணு வாக்குப்பதிவு இயந்திரங்கள் மதுரை மருத்துவக் கல்லூரியில் அமைக்கப்பட்டுள்ள வாக்கு எண்ணிக்கை மையத்தில் பாதுகாப்பாக வைக்கப்பட்டு உள்ளது, இந்நிலையில் மதுரை மருத்துவக் கல்லூரியில் இன்று  காலை 8 மணிக்கு வாக்கு எண்ணிக்கை தொடங்க உள்ள நிலையில் நேற்று மதுரை மாவட்ட ஆட்சியர் சங்கீதா, மத்திய தேர்தல் பார்வையாளர்கள் மற்றும் அலுவலர்களுடன் இணைந்து வாக்கு எண்ணிக்கை மையத்தில் செய்யப்பட்டுள்ள முன்னேற்பாடுகள் குறித்து ஆய்வு மேற்கொண்டார்,

வாக்கு எண்ணிக்கை அரங்கம், பாதுகாப்பு, அடிப்படை வசதிகள் உள்ளிட்டவைகள் குறித்து ஆய்வு நடைபெற்றது, மதுரை மக்களவைத் தொகுதி தேர்தலில் 21 வேட்பாளர்கள் போட்டியிட்டனர், அதிமுக சார்பில் டாக்டர் சரவணன், சிபிஎம் சார்பில் சு.வெங்கடேசன், பாஜக சார்பில் இராம.ஶ்ரீனிவாசன், நாம் தமிழர் சார்பில் சத்யாதேவி உள்ளிட்ட 21 பேர் போட்டியிடுகிறார்கள், மதுரை நாடாளுமன்ற தொகுதியில் ஏப்ரல் 19 ஆம் தேதி நடைபெற்ற வாக்குப்பதிவில் 9,80,271 வாக்குகள் பதிவாகியுள்ளன, தபால் வாக்குகள் எண்ணுவதற்கு 7 மேஜைககளும், பணித்தொகுதி வாக்குகள் எண்ணுவதற்கு 1 மேஜை அமைக்கப்பட்டுள்ளது, மேலும் மின்னணு வாக்குப்பதிவு இயந்திரங்களில் பதிவான வாக்குகள் எண்ணுவதற்கு 14 மேஜைகள் அமைக்கப்பட்டுள்ளது, குறைந்தபட்சமாக மதுரை தெற்கு சட்டமன்ற தொகுதியில் 16 சுற்றுகளாகவும், அதிகபட்சமாக மதுரை கிழக்கு சட்டமன்ற தொகுதியில் 24 சுற்றுகளாக எண்ணப்படுகிறது, மேலூர் 20 சுற்றுகளாகவும், மதுரை கிழக்கு 24 சுற்றுக்களாகவும், மதுரை வடக்கு மற்றும் மதுரை மத்தியம் 18 சுற்றுக்களாகவும், மதுரை தெற்கு 16 சுற்றுக்களாகவும் களாவும் ஆகவும் மதுரை மேற்கு 21 சுற்றுக்களாகவும் வாக்கு எண்ணிக்கை நடைபெறுகிறது,

வாக்கு எண்ணிக்கை பணியில் 641 அலுவலர்கள் ஈடுபடுகிறார்கள், வாக்கு எண்ணும் பணியை கண்காணிக்க 2 மத்திய தேர்தல் வாக்கு எண்ணிக்கை பார்வையாளர்கள் நியமிக்கப்பட்டுள்ளனர், ராஜேஷ் குமார் யாதவ் மற்றும் சுபாஷ் சாந்தாராம் போர்க்கர் ஆகிய 2 மத்திய தேர்தல் வாக்கு எண்ணிக்கை பார்வையாளர்களாக செயல்பட உள்ளனர்.