பழனியில் சிபிஎம் வேட்பாளர் தீவிர வாக்கு சேகரிப்பு

. 2024நாடாளுமன்ற தேர்தலுக்கான வாக்குப்பதிவு அடுத்தமாதம் முதல் ஏழு கட்டங்களாக நடைபெறுகிறது. வருகிற ஏப்ரல் 19ம்தேதி முதற்கட்டமாக தமிழகத்தில் வாக்குப்பதிவு நடைபெறவுள்ளது. இதன்படி திண்டுக்கல் பாராளுமன்ற தொகுதியில் திமுக கூட்டணியின் வேட்பாளராக மார்க்சிஸ்ட்‌ கம்யூனிஸ்ட் கட்சியை சேர்ந்த சச்சிதானந்தம் போட்டியிடுகிறார். இவர் இன்று திண்டுக்கல் பாராளுமன்ற தொகுதிக்கு உட்பட்ட பழனி சட்டமன்ற தொகுதியில் வாக்குகள் சேகரித்தார். பழனி அருகிலுள்ள சிவகிரிப்பட்டி, பால் சமுத்திரம், நெய்க்காரபட்டி உள்ளிட்ட பல்வேறு பகுதிகளில் காலை முதல் வாக்குகளை  சேகரித்தார்.